நடிகை சமந்தாவின் இரண்டாவது காதல் கிசுகிசு உண்மைதானா?

கடந்த 10 ஆண்டுக்கும் மேலாக தமிழ் சினிமாவில் முன்னணி நடிகையாக வலம் வருபவர் சமந்தா. விண்ணைத்தாண்டி வருவாயா படத்தின் தெலுங்கு ரீமேக்கில் நடிக்கும்போது இவர் தனது சக நடிகரான நாக சைதன்யாவை காதலித்து திருமணம் செய்துகொண்டார்.

திருமணமான மூன்று ஆண்டுகளிலேயே தனது கணவரை விவாகரத்து செய்வதாக அறிவித்தார். இந்தியில் வெளியான ஃபேமிலி மேன் 2 வலைத்தொடரில் இவர் படு கவர்ச்சியாக நடித்ததுதான் இவர்கள் விவாகரத்து செய்ய காரணம் என்று அப்போது பேசப்பட்டது.

இந்நிலையில் நடிகை சமந்தாவும் இரண்டாவது திருமணத்திற்கு தயாராகி வருவதாக கூறப்படுகிறது. பிரபல பாலிவுட் இயக்குனர் ராஜ் என்பவருடன் சமந்தா காதலில் விழுந்திருப்பதாக கடந்த சில மாதங்களாகவே பாலிவுட் ஊடகங்களில் பேசப்பட்டு வருகிறது.

இதை உறுதிப்படுத்தும் விதமாக இவர்கள் இருவரும் அடிக்கடி வெளியில் ஒன்றாக உலா வருகின்றனர். அந்தவகையில் சமீபத்தில் ஒரு பார்ட்டியில் இயக்குனர் ராஜுடன் சமந்தா ஒன்ராக பங்கேற்ற புகைப்படம் தற்போது சமூக வலைத்தளங்களில் வேகமாக பரவி வருகிறது.

சமந்தா முதல் முதலில் நடித்த ஃபேமிலி மேன் 2 வலைத்தொடரின் இயக்குனர்களில் இவரும் ஒருவர் என்பது குறிப்பிடத்தக்கது. இவருடைய இயக்கத்தில் மீண்டும் சமந்தா Citadel: Honey Bunny எனும் மற்றொரு வலைத்தொடரில் நடித்தார். இதன் படப்பிடிப்பு தளத்தில் தான் ராஜுடன் சமந்தா காதலில் விழுந்திருப்பதாக சொல்லப்படுகிறது. இயக்குனர் ராஜ் ஏற்கனவே திருமணம் ஆனவர். சமந்தா உடனான காதலால் விரைவில் அவர் தன்னுடைய மனைவியை விவாகரத்து செய்யப் போவதாகவும் சொல்லப்படுகிறது. பாலிவுட் மீடியாக்களில் இப்படியொரு செய்தி வேகமாக பரவி வருவதால் சமந்தா ரசிகர்கள் அதிர்ச்சி அடைந்துள்ளனர்.