வெள்ளித்திரையில் தோல்வியை சந்தித்த எமர்ஜென்சி படம் ஓ டி டியில் வெற்றி பெறுமா?

பிரபல பாலிவுட் நடிகை கங்கனா ரனாவத் எழுதி, இயக்கி, நடித்துள்ள படம் எமெர்ஜென்சி. மறைந்த முன்னாள் பிரதமர் இந்திரா காந்தியின் வாழ்க்கை வரலாற்றை மையப்படுத்தி இத்திரைப்படம் வெளியாகி இருந்தது.

ஆனால் சீக்கியர்களை இப்படம் தவறாக சித்திருப்பதாக கூறி சீக்கிய அமைப்புகள் இப்படத்துக்கு எதிராக வழக்கு தொடர்ந்ததன் காரணமாக இந்த படத்துக்கு தணிக்கைச் சான்றிதழ் கிடைப்பதில் சிக்கல் ஏற்பட்டது. இதனால் இந்த படம் ரிலீஸ் சமயத்தில் பெரும் சவால்களை சந்தித்தது.

ஒருவழியாக இந்த படம் இந்த ஆண்டு ஜனவரி 17-ம் தேதி திரைக்கு வந்தது. ஆனால் விமர்சன ரீதியாகவும் வசூல் ரீதியாகவும் இந்த படம் மாபெரும் தோல்வியை தழுவியது. ரூ.60 கோடி பொருட்செலவில் எடுக்கப்பட்ட இப்படம் வெறும் ரூ.20 கோடி மட்டுமே வசூல் செய்து படுதோல்வி அடைந்தது.

இந்த நிலையில் தற்போது இப்படம் நெட்பிளிக்ஸ் ஓடிடி தளத்தில் வெளியாகியுள்ளது. ஓடிடி ரிலீஸுக்கு பிறகு இந்த படம் ரசிகர்கள் மத்தியில் பாராட்டுக்களை பெறுமா அல்லது கூடுதலாக இந்த படத்தை கழுவி ஊற்றுவார்களா என்பதை பொறுத்திருந்து பார்க்க வேண்டும்.