திகில் மற்றும் மர்மம் நிறைந்த சஸ்பென்ஸ் கதையை தரும் ஒரு நொடி திரைப்படம்

‘மதுரை அழகர் புரடக்ஷன்’ கம்பெனி மற்றும் ‘வொயிட் லேம்ப் பிக்ஷர்ஸ்’ இணைந்து தயாரிக்கும் படம் “ஒரு நொடி”.

இப்படத்தில் தமன் குமார் நாயகனாக நடிக்கிறார். இவர் ‘தொட்டால் தொடரும்’, ‘அயோத்தி’ ஆகிய படத்தில் முக்கிய கதாபாத்திரத்தில் நடித்திருக்கிறார்.

பிரபல திரைப்பட தயாரிப்பாளரும், பாஃப்டா திரைப்படக் கல்லூரி நிறுவனரும், விநியோகஸ்தருமான தனஞ்செயன் இப்படத்தை முன்னின்று வழங்குகிறார்.

வித்தியாசமான கதைக்களத்துடன் உருவாகி வரும் ‘ஒரு நொடி’ படத்தில் எம் எஸ் பாஸ்கர், வேல ராமமூர்த்தி, பழ கருப்பையா, தீபா ஷங்கர், சிவரஞ்சனி ஆகியோரும் முக்கிய கதாபாத்திரங்களை ஏற்றிருக்கின்றனர்.

ஒளிப்பதிவு இயக்குனராக கே.ஜி ரத்தீஷ் பொறுப்பேற்க, கலை இயக்குனர் பணியை கவனிக்கிறார் எஸ் ஜே ராம்.

அறிமுக இசையமைப்பாளர் சஞ்சய் மாணிக்கமும், படத்தொகுப்பாளர் எஸ் குருசூர்யாவும் படத்துக்கு தங்கள் பங்களிப்பை பலமாக செய்திருக்கிறார்கள்.

முதல் படத்திலேயே முத்திரை பதிக்க விரும்பும் இயக்குனர், ஆர்வமும் நேர்மையும் மிக்க புதிய தயாரிப்பாளர், வளர்ந்து வரும் இளம் நடிகர் பட்டாளம் என்று ஆர்வம் மிக்க இந்தக் கூட்டணி “ஒரு நொடி” படத்தின் மூலம் திகில் மற்றும் மர்மம் நிறைந்த சஸ்பென்ஸ் கதை ஒன்றை புதிய கோணத்தில் சொல்லக் காத்திருக்கிறது.

‘ஒரு நொடி’ படத்தின் படப்பிடிப்புகள் முழுமையடைந்து போஸ்ட் புரடக்ஷன் பணிகள் வெகு மும்முரமாக நடந்து வருகின்ற நிலையில், வெகுவிரைவில் திரையில் இப்படத்தை காணலாம். படம் குறித்த அடுத்தடுத்த அப்டேட்கள் குறிப்பிட்ட இடைவெளியில் வெளியிடப்படும்.