‘தி ஷோ மஸ்ட் கோ ஆன்’ மற்றும் ‘பிளாக் மட்ராஸ் பிலிம்ஸ்’ நிறுவனங்கள் சார்பில், ஆண்ட்ரியா ஜெரேமியா, எஸ்.பி. சொக்கலிங்கம் தயாரிப்பில், இயக்குநர் வெற்றிமாறன் மேற்பார்வையில், அறிமுக இயக்குநர் விகர்ணன் அசோக் இயக்கியிருக்கும் ‘மாஸ்க்’ திரைப்படத்தின் டிரெய்லர் மற்றும் இசை வெளியீட்டு விழா சென்னையில் கோலாகலமாக நடைபெற்றது. கவின், ஆண்ட்ரியா ஜெரேமியா, ருஹானி சர்மா முக்கிய வேடங்களில் நடிக்கும் இப்படம், ஒரு வித்தியாசமான கமர்ஷியல் கதைக்களத்தில் உருவாகியுள்ளது. விழாவில் விஜய் சேதுபதி, ஜீவி பிரகாஷ், நெல்சன், சுப்பிரமணியம் சிவா, பவன், ரெடின் கிங்ஸ்லி உள்ளிட்ட திரை பிரபலங்கள் கலந்து சிறப்பித்தனர். இயக்குநர் வெற்றிமாறன், “மாஸ்க் படத்தை தயாரிப்பாளர்கள் மற்றும் இயக்குநர் மிகுந்த அர்ப்பணிப்புடன் உருவாக்கியுள்ளனர். இது குரலற்றவர்களின் குரல் பேசும் படம்” என கூறினார். நடிகர் விஜய் சேதுபதி, “டிரெய்லர் மிக அருமையாக இருந்தது. கவின் வித்தியாசமான கதைகளைத் தேர்ந்தெடுக்கும் தைரியம் பாராட்டத்தக்கது” என வாழ்த்தினார். ஆண்ட்ரியா ஜெரேமியா, “இது எனக்கு சிறப்பான திருப்புமுனை படம். அனைவரின் உழைப்பும் திரையில் வெளிப்படும்” எனக் கூறினார். இப்படத்திற்கு ஜீவி பிரகாஷ் இசையமைக்க, ஆர்.டி. ராஜசேகர் ஒளிப்பதிவு செய்ய, எடிட்டிங் பணியை ஆர். ராமர் மேற்கொண்டுள்ளார். ‘தி ஷோ மஸ்ட் கோ ஆன்’ மற்றும் ‘பிளாக் மட்ராஸ் பிலிம்ஸ்’ நிறுவனங்கள் சார்பில், ஆண்ட்ரியா ஜெரேமியா, எஸ்.பி. சொக்கலிங்கம் தயாரிக்க, இயக்குநர் வெற்றிமாறன் மேற்பார்வையில், அறிமுக இயக்குநர் விகர்ணன் அசோக் இயக்கியிருக்கும் ‘மாஸ்க்’ திரைப்படம் நவம்பர் 21, 2025 அன்று திரையரங்குகளில் வெளியாகிறது.