தமிழ் நடிகர்களில் அதிக முறை திருமணம் சர்ச்சையில் சிக்கியவர் என்றால் அது விஷால் தான். விஷாலுக்கு எப்ப தான் கல்யாணம்? என கேட்கும் அளவுக்கு, அடிக்கடி காதல் சர்ச்சையில் சிக்கி இருக்கிறார். வரலட்சுமி, லட்சுமி மேனன், அபிநயா, கீர்த்தி சுரேஷ் என அடிக்கடி விஷாலுக்கு பிரபல நடிகையுடன் திருமணம் என ஏகப்பட்ட செய்திகள் இதுவரை உலா வந்துள்ளன. சில ஆண்டுகளுக்கு முன்பு விஷாலுக்கு அன்ஷிதா என்ற பெண்ணுடன் நிச்சயதார்த்தம் வரை சென்று, திருமணம் நின்று போனது. அதன் பின்பு நடிகர் சங்க கட்டிடம் திறந்த பின்பு தான் திருமணம் என அறிவித்தார். அதை நிறைவேற்ற 47 வயது வரையிலும் திருமணம் செய்யாமல் சிங்கிளாக உலா வருகிறார் விஷால். இதற்கிடையில் கடைசியில் விஷாலுக்கு திருமணம் என அதிகாரப்பூர்வ அறிவிப்பு வெளியாகியுள்ளது. நடிகர் விஷால் - சாய் தன்ஷிகா இருவரும் யோகிடா படத்தின் ட்ரெய்லர் வெளியீட்டு விழாவில் பேசும் பொது இருவரும் வரும் ஆகஸ்ட் 29 ஆம் தேதி திருமணம் செய்ய இருப்பதாக கூறினார்கள். சமீபத்தில் தான் இருவரும் பேச தொடங்கினார்களாம். 15 ஆண்டுகளாக விஷாலை, தன்ஷிகாவுக்கு தெரியுமாம். ஆனால் சமீபத்தில் தான் காதல் மலர்ந்து, அது திருமணத்தில் முடியவுள்ளதாம். வரும் ஆகஸ்ட் 29 ஆம் தேதி விஷால் பிறந்த நாள். அவருக்கு இது 48 ஆவது பர்த்டே. அன்று தான் இருவரும் திருமணம் செய்யவுள்ளார்களாம். சாய் தன்ஷிகாவை பொருத்தவரை அவர், கபாலி படத்தில் ரஜினிகாந்தின் மகளாக நடித்தார். தெலுங்கு மற்றும் தமிழில் நடித்து வருகிறார். தஞ்சாவூரை சேர்ந்தவர். இந்நிலையில் விஷால் - தன்ஷிகா கோலிவுட்டின் தற்போது புது ஜோடிகளாக உருவாகியுள்ளனர். இருவருக்கும் 12 வயது வித்தியாசம் என்பது தான் ரசிகர்களின் அதிர்ச்சிக்கு காரணமாக உள்ளது. தன்ஷிகாவுக்கு தற்போது 35 வயதாகிறது. திருமணத்திற்கு பிறகும் தன்ஷிகா தொடர்ந்து நடிப்பார் என விஷால் மேடையிலேயே தெரிவித்துள்ளார். நடிகர் சங்க கட்டிடம் வரும் ஆகஸ்ட் 15 ஆம் தேதி திறக்கப்படவுள்ளதாம். அதன் பிறகு ஆகஸ்ட் 29 ஆம் தேதி விஷால் - தன்ஷிகா திருமணம் நடைபெறவுள்ளது.