‘அன்பில் அவன்’ திரைப்படத்தின் டிரெய்லர் மற்றும் புரமோஷன் பணிகளுக்கு ரசிகர்கள் மற்றும் திரையுலக பார்வையாளர்கள் அளித்து வரும் அமோக வரவேற்புக்கு படக்குழு நன்றி தெரிவித்துள்ளது.
முன்னதாக ‘அன்பில் அவன்’ திரைப்படம் செப்டம்பர் 25, 2026 அன்று உலகம் முழுவதும் திரையரங்குகளில் வெளியாகும் என அறிவிக்கப்பட்டிருந்தது. இந்நிலையில், திரைப்படத்துக்கு கிடைத்து வரும் வரவேற்பு மற்றும் விநியோகஸ்தர்களிடம் ஏற்பட்டுள்ள எதிர்பார்ப்பு ஆகியவற்றை கருத்தில் கொண்டு, படத்தின் வெளியீட்டை ஒரு வாரம் தள்ளி வைக்க படக்குழு முடிவு செய்துள்ளது.
இதன்படி, ‘அன்பில் அவன்’ திரைப்படம் இனி அக்டோபர் 2, 2026 அன்று உலகம் முழுவதும் திரையரங்குகளில் வெளியாகிறது.
கடந்த இரண்டு ஆண்டுகளாக மிகுந்த அர்ப்பணிப்புடனும் அன்புடனும் இப்படம் உருவாக்கப்பட்டுள்ளதாக படக்குழு தெரிவித்துள்ளது. அனைத்து பகுதிகளிலும் படத்தை சிறப்பான முறையில் ரசிகர்களிடம் கொண்டு சேர்க்கும் வகையில், மேலும் பிரம்மாண்டமான வெளியீட்டை திட்டமிடுவதற்காக இந்த ஒரு வார கால அவகாசம் பயன்படுத்தப்படுவதாகவும் தெரிவிக்கப்பட்டுள்ளது.
திரைப்படத்தின் டிரெய்லர் மற்றும் விளம்பர நிகழ்வுகளுக்கு தொடர்ந்து ஆதரவு அளித்து வரும் ரசிகர்களுக்கு நன்றி தெரிவித்துள்ள படக்குழு, அக்டோபர் 2-ம் தேதி உலகம் முழுவதும் உள்ள திரையரங்குகளில் ‘அன்பில் அவன்’ படத்துடன் ரசிகர்களை சந்திக்க ஆவலுடன் காத்திருப்பதாக தெரிவித்துள்ளது.